Një 33 vjeçar i shpallur në kërkim për tentativë vrasje në Gjermani dy vite më parë, është arrestuar.
Me finalizimin e operacionit policor të koduar “Wanted” u arrestua Daniel Hajro, 33 vjeç, banues në Korçë.
Operacioni u zhvillua me bashkëpunimin intensiv të DVP Korçë, DVP Tiranë, FAST Albania dhe Prokurorisë së Rrethit Gjyqësor Korçë.
“Gjykata e Rrethit Gjyqësor Korçë, me vendimin e datës 17.09.2022, ka caktuar për këtë shtetas masën e sigurisë ‘Arrest në burg’, për veprat penale ‘Vrasja me paramendim’, kryer për hakmarrje, mbetur në tentativë dhe ‘Plagosja e rëndë me dashje’, në lidhje me një ngjarje të ndodhur më datë 18.05.2020, në një lokal në Gjermani, ku 33-vjeçari ka tentuar të vrasë me armë zjarri një person dhe ka plagosur rëndë një tjetër,” njoftoi policia.
