Një aksident i rëndë është regjistruar në aksin Shkodër – Koplik, në afërsi të fshatit Shtoj.
2 makina janë përplasur me njëra -tjetrën, duke sjellë plagosjen e 3 personave, 2 prej të cilëve raportohet se janë në gjendje të rëndë. Të plagosurit menjëherë janë transportuar në spitalin rajonal të Shkodrës.
Sipas të dhënave paraprake, automjeti tip “Volswagen” ka qenë duke qarkulluar me shpejtësi tej normave të lejuara, kurse shoferi humbi kontrollin dhe më pas ka përplasur automjetin tip “Mercedes” në anën tjetër të rrugës.
Aksi Shkodër – Koplik vijon të jetë një ndër akset më problematike në Qarkun e Shkodrës, përsa i përket aksidenteve rrugore.
