Një 42-vjeçar shqiptar nisur nga pasioni i tij për lojrat elektronike, arriti të vidhte banka. Oficerët e policisë së Departamentit të Grabitjeve të Sigurisë së Atikës po studionin videot e shtatorit 2021 dhe e panë atë teksa hynte në banka, me kapele ose paruke, syze dielli dhe një maskë kirurgjikale për koronavirusin.
Mediat vendase raportojnë se ai mbante në dorë një armë të cilën, siç raportohet, ia ka “dërguar familjes së tij në Shqipëri si dhe një shumë prej 76,548 mijë euro që ishte plaçka totale e tij”.
Por, gjatë ditës së djeshme ai u dërgua në një Prokurori së bashku me një bullgar 22- vjeçar, i cili akuzohet për pjesëmarrje në një grabitje, ndërsa roli i tij kryesor ishte transportimi i “grabitësit me jelek fluoreshentë”.
Nga kontrollet e kryera gjatë operacionit janë sekuestruar jelekë, ngjyrë portokalli me mbishkrimin “Green Projects”, i cili i referohej jelekut të punonjësit të Bashkisë, veshjet e veshura gjatë kryerjes së grabitjeve, kartë identiteti false e emigrantit, motoçikleta që përdorej si mjet kalimi dhe arratisjeje nga vendet ku kryheshin grabitjet, paketë najloni që përmbante – 1.5- grammë kanabis, tre celularë dhe shumën prej 235 euro.
RASTET
Nga hetimet paraprake të deritanishme janë evidentuar 11 raste të grabitjeve në Nea Smyrni, Neo Kosmos, Dafni, Pagrati, Petralona dhe Moschato, nga të cilat tetë me degë bankash dhe tre me degë lojërash fati. 42-vjeçari, i cili u arrestua në një hotel në qendër të Athinës, është arrestuar më parë për shkelje të ligjeve të drogës, falsifikim dhe arratisje nga burgu, ndërsa 22-vjeçari është arrestuar për marrjen dhe shpërndarjen e produkteve të veprës penale. Shuma totale e përfituar nga anëtarët e organizatës kriminale arrin në 76.548 euro.
