Ish-deputeti Halit Valteri u paraqit këtë të Premte në SPAK. Për gazetarët, ai tha se ka dorëzuar prova të reja në SPAK në lidhje me kallëzimet për familjen e kreut të Partisë së Lirisë, Ilir Meta.
“Unë jam thirrur njëherë për të dhënë shpjegime, pres të thirrem sërish nga autoritetet”, u shpreh Valteri nga Prokuroria e Posaçme.
“Shqiptarët do të shohin shumë shpejt një ish-president dhe një ish-kryeministër të arrestuar. Kemi bërë dy kallëzime penale për grupin e koorporatës “Lëvizja Socialiste për Integrim”, ish-presidentit e Republikës dhe partinë e tij familjare. Sot kemi ardhur të paraqesim në SPAK përsëri prova të reja. Ka kontrata të firmosura nga vetë Ilir Meta me kompaninë lobuese “Dutko”. Totali i të gjithë pagesave të lobimit në 1.2 mln dollarë të paguara nga taksat e shqiptarëve.
Janë prova që i kemi paraqitur dhe më parë. Kemi sjellë dhe të tjera së bashku me sqarime të bëra për pika në dosje. Janë pjesa më e madhe e kontratave të nxjerra. SPAK nuk ka cfarë të presë më, të bëjë atë që presin të gjithë shqiptarët, arrestimin e Ilir Metës. Nuk jam i autorizuar të them se ku ka arritur puna e SPAK, por di që ka ecur para. Meta është nën hetim. Së shpejti me provat e grumbulluara, shqiptarët do të kenë një ish president e ish kryeministër të arrestuar.
Sa herë ka diçka kundër familjes Kryemadhi, është gjithmonë dkush që është kundërshtar i tyre. Lufta me inceneratorët vijon. Shpresoj që SPAK të vijojë të hapë petët e byrekut. Nuk dua t’i futem punës së si anatemohem. Kushdo që ka kurajon të denoncojë familjen më të korruptuar në Shqipëri që ka zhvatur për të jetuar në luks.”, ishte deklarata e ish-deputetit Halit Valteri.
Në kallëzimin fillestar në SPAK, Valteri akuzon Metën, Kryemadhin, dhe ish-deputetin Vangjel Tavo për korrupsion aktiv dhe pasiv në sektorin privat, për fshehje të pasurisë, mospagim të taksave dhe tatimeve dhe shpërdorim detyre.
