Qeveria iu është “vëruslur” prej dy ditësh institucioneve arsimore private të financuara me burime turke në Shqipëri, duke synuar “asgjësimin” e tyre.
Kështu pas mbylljes me një VKM të kaluar dje në Këshillin e Ministrave të institucionit të arsimit parauniversitar “Mehmet Akif”, u njoftua ditën e sotme edhe mbyllja e një kopështi në pronësi të institucionit arsmior “Turgut Özal”.
Ministria e Arsimit i ka vendosur “drynin” kopshtit jopublik ‘Zubeyde Hanim’, me një justifikim thuajse të ngjashëm me çështjen e kolegjit “Mehmet Akif”, që lidhet me godinën dhe kushtet e saj.
Por në një deklaratë për shtyp, përfqësuesit e “Turgut Ozal”, bën me dije se “në mënyrë të përsëritur kanë aplikuar për marrjen e miratimit për ndryshimin e vendodhjes duke filluar nga data 16.02.2022, por pavarësisht kërkesave të vazhdueshme më datë 13.09.2022, MAS ka refuzuar kërkesën”.
Përfaqësuesit e “Turgut Özal”, i financuar nga fondacioni “Gulistan” që lakohet për lidhjet me klerikun turk Fetullah Gylen, saktësuan se kopshti është mbyllur me vendim të Ministrisë së Arsimit, por ky vendim nuk është mirëpritur nga dhjetëra prindër, të cilët kishin regjistruar fëmijët e tyre në këtë kopësht.
Prej orëve të para të mëngjesit ata janë duke zhvilluar një protest para dyerve të MAS, teksa kërkojnë nga ministrja Evis Kushi që të argumentojë vendimin dhe të ofrojë një zgjidhje.
Teksa prindërit kanë hyrë në ambientet e brendshme të MAS, duket se kanë hasur një një kundërshtim të punonjësve të ministrisë për të ofruar informacion, ndërkohë që edhe media nuk është lejuar të raportojë.
“Prindi shkruan: Ndodhemi te Ministria Arsimit ne proteste prinderore per mbylljen e kopeshtit Turgut Ozal. Nuk pranojne median dhe nuk argumentojne asnje përgigje”, thuhet në një postim të faqes denoncuese “Studentët Denoncojnë” në rrjetin social Facebook, shoqëruar edhe me dy video nga Brenda zyrave të MAS, ku prindërit kofliktohen verbalisht me një prej përfaqësuesve.
