Partizani mban vendin e parë në tabelën e renditjes në Abissnet Superiore pas 5 javëve të para. Pas fitores me Kukësin në Kukës Arena, Demat shkojnë në kuotën e 12 pikëve, 1 më shumë se ndjekësit e Erzenit dhe 4 më shumë se rivalët e Tiranës me të cilët do të përballet në javën e 6 në derbin e qytetit.
Kjo nisje kaq e mirë nuk ndodhte tek të kuqtë që nga viti i titullit nën drejtimin e Skënder Gegës. Trajneri italian Colella, ia ka dalë të bëjë akoma më mirë se ish-tekniku duke marrë 2 pikë më shumë në 5 ndeshjet e para të kampionatit. Një start i mirë por kampionati është akoma i gjatë dhe Demave ju duhet të ruajnë kreun ndaj rivalëve që në ndeshjen e rradhës në derbin e ktyeqytetit.
