Ministri i Drejtësisë, Ulsi Manja pretendoi këtë të Enjte se drejtësia është e pavarur nga mazhoranca.
“Reformën në drejtësi e bëmë që politika të mos kontrollet nga drejtësia”, tha Ulsi Manja nga foltorja e Kuvendit në replikë me deputeten demokrate Jorida Tabaku, ndërsa shtoi se sot drejtësia është e pavarur nga politika.
“Drejtësia sot po bën detyrën”, tha Manja.
Në përgjigje, Tabaku tha:
“Ku janë hetimet për dosjet 339 dhe 184? Pse e sulmoni SPAK-un zoti Manja? Për mua do jetë drejtësi kur ata që kanë një dosje me akuza të faktuara si 339 dhe 184 të jetë pas hekurave”, tha Tabaku, e cila shtoi se personat në atë dosje, përfshirë edhe vetë Manjën duhet të ishin para drejtësisë.
Manja e mori sërish fjalën dhe tha se është opozita ajo që intimidon SPAK-un e sipas tij, jo mazhoranca.
