Dy vatra të mëdha zjarri janë aktivizuar në Patos, ku fillimisht zjarri përfshihu ullishten në Margëlliç. Pas kësaj një banesë dykatëshe është duke u shkrumbuar. Për fat të mirë banorët kanë arritur të dalin në kohë.
Zjarri po përparon për shkak të erës së fortë drejt lagjes me banesa.
“Në orën 13:00, lagjen “1 Maj”, Patos, në katin e dytë të banesës së shtetasi F. G., ka rënë zjarr ku për pasojë janë djegur orenditë shtëpiake. Nuk ka dëme në njerëz. Në orën 13:10, në kodrat e fshatit Mërgëlliç, Patos, ka rënë zjarr dhe po digjen shkurre e rrezikohen ullishte”, njofton policia.
Banorët e zonës janë shprehur të revoltuar pasi situata paraqitet kritike ndërsa në vendngjarje ndodhet vetëm një zjarrfikëse.
Për të normalizuar situatën janë kërkuar përforcime nga Berati e Mallakastra ndërsa ndodhen në terren forcat e Patosit, Fierit, Albpetrolit e Roskovecit.
