Një shtetas shqiptar është denoncuar nga policia italiane pasi kishte vjedhur një makinë.
Sipas mediave italiane, oficerët e komisariatit të “Duino Aurisina” kanë vijuar pak ditë më parë kontrollin e një automjeti me targa shqiptare, në të cilin ndodheshin një burrë dhe një grua shqiptar.
Policët zbuluan anomali në numrin e targës pasi u zbulua se makina, një BMW 118, ishte vjedhur dy vjet më parë në Rieti.
Sipas hetimeve rezulton se makina i ishte marrë pronarit të saj të ligjshëm përmes një mashtrimi me një shitje false pasi shqiptari e kishte marrë atë duke paguar me çeqe të pambuluara dhe më pas ishte bërë i padisponueshëm së bashku me automjetin.
Makina më pas përfundoi në Shqipëri ku ishte riregjistruar me dokumente të reja dhe ishte rikthyer në qarkullim dhe i blerë nga pronarë të rinj. Automjeti është sekuestruar për kthimi te pronari i vërtetë.
