Ministrja e Shtetit për Marrëdhëniet me Parlamentin, Elisa Spiropali komentoi në Euronews Albania gjendjen e sistemeve në Shqipëri pas sulmeve kibernetike.
Ajo tregoi se ka dëme dhe kostot janë të ditura në një raport të detajuar.
“I është bërë prezent Komisionit Europian, strukturave të NATO-s dhe partnerëve tanë amerikanë dhe do kemi një përgjigje, besoj të përbashkët sepse ky nuk është një sulm vetëm ndaj Shqipërisë, por është një sulm ndaj një vendi besnik, aleat në NATO i cili ka marrë mbi supe disa angazhime të rëndësishme,” – u shpreh Spiropali.
Ministrja bëri thirrje për t’u bashkuar pasi sipas saj, nuk është koha për të sulmuar qeverinë. Sipas saj, ka zëra publikë që me një ligësi të dukshme tallen me rastin.
Spiropali theksoi se ka plot raste ku mund të debatojnë dhe të ndahen në mendime, por jo në kur vendi sulmohet kibernetikisht.
