Këngëtarja e famshme Shakira thuhet se ka pushuar një punonjëse vetëm se ajo nuk pranoi që t’i ngrohte pulën në orët e vona të natës.
Sipas emisionit televiziv “Equipo de Investigacion”, një çift i martuar, ish-punonjës të Shakirës, kanë dhënë një intervistë dhe kanë pasur shumë për të thënë për sjelljen e saj. Një nga momentet më tronditëse ishte kur ish-punonjësja tregoi arsyen e pretenduar se pse Shakira pushoi nga puna çiftin që punonte si ndihmës në shtëpi për të.
“Divier zëvendësoi Maritzën, gruan e tij, e cila kishte gatuar gjatë gjithë javës për 17 persona. Kur ishte natë vonë, ajo ishte shumë e lodhur dhe Shakira i kërkoi të ngrohte një pulë, por ajo i tha se nuk mund ta bënte më atë gjë, nuk do ta ngrohte pulën. Unë gatuaj për 17 persona gjatë gjithë ditës, nuk e bëj dot më”, thuhet në raport.
Sipas raportit Shakira i ka thënë asaj: “Nëse nuk je e mirë për këtë, nuk je e mirë për asgjë tjetër dhe më pas ajo u pushua nga puna. Ishte një tronditje që Shakira pushoi stafin e saj për një copë pule. Ata nuk ishin thjesht punëtorë shtëpie, por ishin kuzhinierë, shoferë dhe ata që organizonin mirëmbajtjen e shtëpisë. Ishte vërtet një kërkesë shumë e fortë”.
