Këngëtari i famshëm, Adam Levine dhe bashkëshortja e tij, Behati Prinsloo, janë fotografuar së bashku për herë të parë pas skandalit të tradhtisë.
‘Dailyail.com’ publikoi fotot në të cilat çifti duket se janë mirë, të pashqetësuar për situaten që po ndodh edhe pse vetë këngëtari e pranoi se kishte kaluar kufirin përgjatë mesazheve me influenceren Sumner Stroh.
Këngëtari i Maroon 5, Adam Levine, tha në një postim në rrjetet sociale se ai kishte shkelur kufirin dhe kishte bërë një sjellje të papërshtatshme me një vajzë që nuk ishte gruaja e tij dhe tha se po merrte hapat e nevojshëm për të korrigjuar gabimet e tij, por mohoi të kishte pasur një lidhje me të.
Levine tha se donte të sqaronte situatën që po ndodh pas kritikave të shumta që ka marrë në rrjetet sociale. Tre gra të tjera gjithashtu e kanë akuzuar Adam Levine për flirtim.
Prinsloo, e cila aktualisht është shtatzënë me fëmijën e tyre të tretë – ende nuk ka komentuar publikisht mbi akuzat, por thuhet se është “shumë e mërzitur”.
