Shqipëria vazhdon përgatitjet për përballjen me Izraelin, takim që do të luhet me datë 24 shtator. Për të folur për mediat në prag të këtij takimi, Sokol Cikalleshi theksoi se ndaj Izraelit vetëm 3 pikët iu bëjnë punë.
“Po punojmë shumë, po bëjmë më të mirën për momentin, edhe pse grupi nuk është i plotë. Shpresojmë të marrim rezultatin që na çon në realizimin e objektivave. Më mirë është të luaj me dy sulmues, kur kam një partner afër mundësia e shënimit është më e madhe. Besoj kështu do vazhdojmë të luajmë. Rëndësi ka që të jetë grupi i plotë. Problemi i ndeshjes së fundit ishin gabimet që mund të evitoheshin. Kemi bërë analiza me video, i kemi parë gabimet dhe besoj do i përmirësojmë”, ka thënë Cikalleshi.
Ai është ndalur dhe te ndeshja me Izraelin ku ka thënë se është kundërshtar i vështirë.
“Kundërshtar i vështirë, grup më i vështirë se përpara. Të bëjmë më të mirën taktikisht. Të mos pësojmë dhe më pas të shohim për të shënuar e fituar. Na bëjnë punë vetëm tre pikët në Izrael”, ka thënë futbollisti.
