11 fëmijë janë vrarë dhe 15 të tjerë janë zhdukur pasi helikopterët e ushtrisë hapën zjarr në një shkollë në Mianmar në Azi. Qeveria e Mianmarit deklaroi se bëhej fjalë për një sulm ndaj kryengritësve që ata pretendonin se fshiheshin në shkollën në fshatin Let Yet Kone.
Shumica e trupave të fëmijëve u morën nga trupat ushtarake, raporton BBC. Gjithashtu gjashtë banorë të fshatit janë vrarë atë ditë nga forcat ushtarake.
Në imazhet e shpërndara në mediat sociale shihen njolla gjaku në ndërtesën e shkollës. Unicef, agjencia e OKB-së për fëmijë, tha se fëmijët kishin vdekur në sulmin ajror. Unicef bëri thirrje për lirimin e menjëhershëm të 15 fëmijëve të zhdukur.
“Ndërsa më shumë detaje janë ende duke u verifikuar, UNICEF u ofron ngushëllime prindërve dhe familjeve që humbën fëmijët e tyre”, tha agjencia në një deklaratë të hënën.
Ushtria e Mianmarit përmbysi qeverinë e zgjedhur në mënyrë demokratike të Aung San Suu Kyi në shkurt 2021.
