Autorët e vrasjess së 19-vjeçarit Erjon Xhenje mbrëmë në Shkodër mbeten ende të panjohur edhe pse kanë kaluar më shumë se 12 orë nga ngjarja. I riu u vra me armë zjarri teksa po pinte kafe në një lokal në bulevardin “Bujar Bishanaku”.
Paraprakisht policia dyshon se vrasja ka ndodhur për shkak të hakmarrjes mes fiseve në Lici dhe Bajri në Shkodër, ndërkohë që nuk ka të dhëna për të riun të jetë përfshirë në ndonjë ngjarje kriminale përveç faktit se shërbente në stallën e kuajve të Astmer Bilalit, një element i fisit Bajri.
Ndërkohë, në dëshminë e dhënë në polici, i ati i viktimës raportohet të jetë shprehur: “Kam prej 1 jave që kërkoj shtëpi me qira. Ti largoj nga këtu. Nuk është problemi jonë por i nipave. Unë s’kam punë, skam lidhje me asgjë, nuk di asgjë”.
Viktima është djali i xhaxhait të Sehar Xhenjës, i cili është në kërkim për tentativë vrasjeje pasi qëlloi me armë drejt automjetit me të cilin po lëvizte Taulant Pepaj, në shkurt të vitit 2021.
