Po mbahet ceremonia e varrimit të Mbretëreshës së Elizabeth II.
Për britanikët do të jetë lamtumira e një simboli, por edhe fundi i një epoke.
Arkivoli i Mbretëreshës Elizabeth II po largohet nga Westminster Abbey dhe do të vendoset përsëri në karrocën e armëve shtetërore, gati për procesionin në Harkun e Wellingtonit.
Në fund pas një protokolli zyrtar, Mbretëresha Elizabeth II do të varroset në një ceremoni private në foltoren e Shën Xhorxhit, pranë burrit të saj të ndjerë, Princit Philip. Në pllakën prej mermeri në varrin e saj do të gdhendet: Elizabeth II 1926-2022.
Sipas llogaritjeve në të gjithë botën rreth 4 miliardë vetë e ndjekin ceremoninë e varrimit. Në Britaninë e Madhe ceremonia mund të shihet në televizor, por edhe në monitorë të mëdhenj në sheshe publike. Kjo ditë është shpallur ditë pushimi për të mundësuar që njerëzit të ndjekin ceremoninë.
Për shumë qytetarë do të jetë një ngjarje e paprecedentë dhe e re, pasi Britanisë së Madhe i është dashur t’i thotë lamtumirë një monarku që nga 15 shkurti 1952. Për Mbretëreshën Elizabeth do të jetë thjesht funerali i saj, të cilin ajo madje e planifikoi deri në detaje.
Përveç anëtarëve të familjes mbretërore të Anglisë, ftesave të marra iu përgjigjen Mbreti Philip dhe Mbretëresha Mathilde e Belgjikës, Mbreti Willem-Alexander, Mbretëresha Maxima dhe Mbretëresha Nënë Beatrix e Holandës, Mbreti Felipe dhe Mbretëresha Letitia e Spanjës, ndërsa në ceremoni morën pjesë anëtarë të shtëpive mbretërore të Norvegjisë, Suedisë, Danimarkës dhe Monakos.
Qindra krerë shtetesh, krerë qeverish dhe anëtarë të lartë mbretërorë do të duhet të udhëtojnë përmes Londrës në një kishë 800-vjeçare, pa perimetër të përhershëm sigurie.
Këtu mund ta ndiqni live:
