I ftuar në studion e “Fax News’, avokati Altin Goxhaj foli mbi librin e ri që do të publikojë këtë muaj, i titulluar Zogjtë e Qyqes së ‘Shoqërisë së Hapur’” ku ai shpjegon paradigmat dhe strukturën e mafies ‘Soros’ dhe axhendën e tij për rrënimin, falimentimin dhe shpopullimin e Shqipërisë.
Goxhaj thotë se sipas analizës dhe punës së tij ndër vite për të kuptuar se çfarë do ky personazh në Shqipëri, ka kuptuar se ai është më i dukshmi por që ka shumë të tjerë përreth tij që dëmtojnë të tjerët për përfitime personale.
“Libri për të cilin po punoj, është punë e rëndësishme në karrierën time, më gënjen mendja se do jetë me vlerë për Shqipërinë, për shkak të perspektivës. Pjesa e parë është histori në raport me politikën, pjesa e dytë i kushtohet totalisht Shqipërisë dhe mendoj që tezat janë përpunuar prej kohës, është libër i shkencave politike. Nuk gjen paragraph pa referencë që janë shumë voluminoze.
Vetëm për të gjetur një link kam humbur dy ditë, sepse humbasin dhe jam përpjekur nëpërmjet një arkive online botërore, ku ruhen çdo gjë e prodhuar në internet, natyrisht jo 100%. E kam përdorur dhe në 2008 kur paraqita dosjen e pare për Soros, do jetë diçka që do trondisë ekulibrat dhe besoj do ketë efekt dhe në Greqi. Pse Soros zgjodhi pikërisht një institute në Greqi për agjendën e shpopullimit të Shqipërisë? Rama është produkt i këtij projekti të madh që ka nisur që në vitin 1992
“Zogjtë e Qyqes së ‘Shoqërisë së Hapur’”, është libër me referenca të plota shkencore. Sipas etologjisë kur qyqja shkatërron folenë e një zogu tjetër pasi i kanë prekur vezët, kjo quhet sjellje mafioze e qyqes. Koncepti është se paradigma kryesore e filozofisë së Soros është pikërisht qyqja, modeli që sjell Ramën dhe na përzë ne shqiptarëve dhe na hedhin nga foleja.
Soros është më i dukshmi dhe i zoti, por jo i vetmi. Ky libër analizon me detaje, historia e Soros nis para se ai të lindte, sepse filozofia fabialiste që nis në 1985 dhe modeli që ai zgjodhi ishte kur u shpik për herë të parë filantropia, për të bashkuar krimin, financat dhe politikanët.
Në studim e sipër kuptova se vetë Soros është organizim mafioz, termat shoqëri e hapur janë vetëm fasada“-tha Goxhaj.
