“Presidenti Berlusconi më ka telefonuar dhe nuk i besohej, ishte shumë i emocionuar dhe u ka bërë komplimentet lojtarëve. Doktor Galliani është emocionuar, ka qarë dhe telefonata ka qenë shumë emocionuese”.
Debutim përrallor për Raffaele Palladinon në stolin e Monza-s, që ka marrë fitoren e parë historike në Serinë A kundër Juventus-it.
“Ka qenë gjithçka shumë e bukur, një çmenduri, një ditë e mrekullueshme, një ëndërr. Kemi bërë festë në dhomat e zhveshjes, një ditë e pabesueshme”, ka thënë trajneri për DAZN.
“Nuk e prisja, por gjatë javës kam parë në sytë e lojtarëve dëshirën për revansh. Kanë treguar se janë burra të mëdhenj dhe janë vënë në dispozicion duke dhënë gjithçka. Merita është e tyre, unë kam punuar vetëm pesë ditë”.
Palladino është thirrur në drejtim të Monza-s pas shkarkimit të Stroppa-s: “Juventus ishte në vështirësi sepse kemi bërë një punë të mirë në mbylljen e hapësirave dhe kemi bërë një ndeshje shumë agresive.
“Këtë ndeshje lojtarët e kanë fituar gjatë javës duke u stërvitur në mënyrë shumë intensive Kanë bërë një punë shumë të mirë, gjithë merita është e tyre.
“Isha i qetë dhe e dija se do të bënin një ndeshje të madhe. të gjithë kanë qenë të jashtëzakonshëm sot. Kam premtuar se në rast fitoreje do t’ia kisha paguar darkën të gjithëve dhe tani duhet ta mbaj fjalën”.
