Laçi u mund 1-0 në kampionat nga skuadra e Erzenit. Pas sfidës, ka dhënë prononcimin e tij trajneri i kurbinasve, Dejan Vukiçeviç.
“Kishim pasur disa probleme. Ka lojtarë që humbasin para ndeshjes dhe pas sfidës. Të shohim nëse do të na vijnë lojtarë pas kësaj pauze. Nuk e di nëse Erzeni e meritoi fitoren. Është e tepërt të humbim në minutën e 95-të.Plani i zgjidhjes? Do të flas me presidentin për të ardhmen. Të shohim çdo të bëjmë. Raporti mes nesh është shumë i mirë. Të shohim se si do të jetë takimi me presidentin. Do të jemi miq përjetë.
Puna me ekipin? Kemi shumë probleme, sidomos në princip. Unë e kuptoj situatën ku ndodhet skuadra. Kemi shumë probleme. Lojtarët janë të dëmtuar fizikisht. Do të flas me drejtuesit. Nëse do të vazhdoj, do të bëj më të mirën për Laçin” – Tha ai.
