Po luhet pjesa e parë mes Erzenit dhe Laçit, ndeshje e vlefshme për javën e 5-të të Kategorisë Superiore.
Në “Niko Dovana” po zhvillohet një sfidë tepër e luftuar nga të dyja skuadrat me disa raste për shënim, por në anën tjetër as polemikat nuk kanë munguar.
Në minutën e 17-të, shijakasit që kërkojnë penallti pas një kontakti mes Turkajt dhe Ademit në zonën e Laçit, por gjyqtari Meta bën shenjë që loja të vazhdojë.
Vetëm dy minuta më pas, Spahiu në pozicion të dyshimtë gjen rrugën e rrjetës teksa Meta bën shenjë nga qendra mes protestave pa fund në fushë e tribunë.
Pas disa minutash pritje, meta bën shenjë që VAR ka sinjalizuar pozicion jashtë loje për lojtarin e kurbinasve. Anulohet goli.
