Shqipëria merr medalje ari në Botërorin e Mundjes. Zelimkhan Abakarov shpallet kampion bote për vendin tonë.
Mundësi çeçen me pasaportë shqiptare triumfoi në Botërorin që po zhvillohet në Beograd. Ai u shpall kampion bote në kategorinë e 57 kg.
Fitorja ka një “shije” më të mirë, kjo për faktin se Abakarov mundi në këtë finale kampionin në fuqi të botës, Thomas Gilman me rezultatin 7-2, në kategorinë stil i lirë.
Abakarov bëri një paraqitje të shkëlqyer ndaj amerikanit duke e dominuar sfidën dhe duke triumfuar në peshën 57 kg, ku përgjatë dy ditëve gara ishte absolut. Një triumf i jashtëzakonshëm, i një mundësi që nderoi ngjyrat kuqezi në këtë botëror, duke valëvitur flamurin tonë në mes të Beogradit.
