Një konflikt mes dy personave në Mirditë ka përfunduar me të shtëna me armë zjarri. Burime bëjnë me dije se Klodian Gjoka, pas një konflikti me Pashk Prengën ka qëlluar me armë.
Fatmirësisht nuk ka të plagosur nga ngjarje ndërsa kanë nisur hetimet nga policia. Blutë e Mirditës kanë shpallur në kërkim Klodian Gjokën ndërsa kontrolli i zonës vijon edhe nga dy grupe të FNSH-së.
Grupi hetimor, nën drejtimin e Prokurorisë, vijon veprimet hetimore me qëllim zbardhjen e plotë të rrethanave të ngjarjes.
Njoftimi i Policisë:
Mirditë/Informacion paraprak
Në Klos, Njësia Administrative Fan, rrethi Mirditë, dyshohet se shtetasi K. Gj. pas një konflikti me shtetasin P. P. dyshohet se ka qëlluar me armë zjarri.
Shërbimet e Policisë kanë shoqëruar shtetasin P. P. për tu marrë në pyetje në lidhje me rrethanat e ngjarjes.
Shtetasi K. Gj. është shpallur në kërkim dhe vijon kontrolli i zonës nga shërbimet e Policisë vendore dhe dy grupe të FNSh-së, me qëllim kapjen e tij.
