GJKKO shpall të pafajshme Anëtaren e Komisionit të Pavarur të Kualifikimit, Etleda Çiften.
Mësohet se vendimi është marrë sot, me mbajtjen e seancës vendimtare për Çiftjan. Prokuroria e Posaçme Kundër Korrupsionit dhe Krimit të organizuar (SPAK) ka kërkuar dënim me 1 vit burg për akuzat “falsifikim dokumentesh” dhe “fshehje pasurie”. Por gjyqtari Erion Bani i GJKKO nuk ka gjetur vepër penale duke e shpallur të pafajshme.
“Do vijoj detyren time si anetare e KPK pasi shume kush e ka perdorur apo ka perfituar nga kjo ceshtje. Shume kush eshte perpjekur qe permes kesaj ceshtje te demtoje reformen ne drejtesi, e procesin e vetingut. Por une mendoj me vendimin e sotem, shpresoj shume qe ky vendim te publikohet i plote me qellim qe pergojimi i emrit tim prej një viti apo më shumë në media të kuptohet e qartë cila ka qenë historia e nëse Etleda Çoftja është falsifikatore apo deklaruese e rremë e pasurive të paligjshme. Asnjë herë. Kam pasur dy kontrolle e asnjë herë s’kam pasur probleme me pasurinë”, tha Etleda Çifte pas vendimit.
GJKKO VENDOSI:
“1. Deklarimin e pafajshëm të të pandehurës Etleda Rustem Çiftja, për kryerjen e
veprës penale “Falsifikim i dokumenteve” parashikuar nga neni 186/1 i Kodit
Penal, pasi fakti nuk përbën vepër penale.
2. Deklarimin e pafajshëm të të pandehurës Etleda Rustem Çiftja, për kryerjen e
veprës penale “Refuzimi për deklarimin, mosdeklarimi, fshehja ose deklarimi i
rremë i pasurive të personave të zgjedhur dhe nëpunësve publikë” parashikuar nga neni 257/a/2 i Kodit Penal, pasi fakti nuk përbën vepër penale”, thuhet në njoftim.
