Mbrëmjen e djeshme ka ndërruar jetë babai i biznesmenit të njohur Shefqet Kastrati.
Lajmi i hidhur për ndarjen nga jeta të Jonuz Kastratit e ka bërë me dije vetë familja, ku njofton se ditën e sotme ceremonia e varrimit do të kryhet te Xhamia e Re, Mullet.
Njoftimi:
“Të dashur familjarë, të afërm dhe miq! Me hidhërim të madh familja Kastrati njofton ndarjen nga jeta të babait tonë të dashur Jonuz Kastrati.
Sot familja jonë e madhe humbi një nga shtyllat e saj, babain e urtë, gjyshin e dhembshur dhe fisnik, shërbyesin e madh të njerëzve në nevojë. Familja, duke vazhduar të ecë në gjurmët e tij, ju fton juve, të afërmve dhe miqve ta respektojmë siç e meriton njeriu ynë i dashur në ditën e fundit.
Homazhet kryhen nesër pranë Hotel Sheraton nga ora 11:00 deri në orën 13:00 dhe ceremonia e varrimit në orën 14:00 tek Xhamia e Re Mullet. Qofsh i Xhenetit i shtrenjti ynë!
Me respekt
Shefqet Kastrati”
