Një i ri ka humbur jetën, pasi është asfiksuar në banjat termale të llixhave të Treganit në Elbasan.
34 vjeçari Alban Pashollari u transportua fillimisht për në Spitalin Rajonal të Elbasanit ku iu dha ndihma e parë. Pavarësisht ndihmës mjekësore 34 vjeçari nuk ka mbijetuar. Në reagimin e policisë bëhet me dije se vdekja e të riut dyshohet se ka ardhur si pasojë e një arresti kardiak.
“Në fshatin Llixhë, Elbasan, pranë një rezervuari të mbushur me ujë termal, është gjetur në gjendje të rëndë shëndetësore, pa shenja dhune, shtetasi A. P., 34 vjeç, banues në Tiranë, i cili ka humbur jetën gjatë transportimit me autoambulancë, për në spital. Paraprakisht dyshohet se ky shtetas ka humbur jetën për shkak të arrestit kardiak”, njofton policia e Elbasanit.
Duke iu referuar dëshmisë së pronarit të hotelit, bëhet me dije se viktima nga Tirana, bashkë me një tjetër të ri, kishin hyrë pa leje në vaskë.
Grupi hetimor po punon për dokumentimin e plotë të rrethanave të ngjarjes.
