Një skaf është bllokuar këtë të premte në plazhin e Krorëzit, nga policia kufitare e Sarandës.
Shërbimet e Policisë Kufitare në Sarandë, konstatuar skafin me drejtues shtetasin Xh. M., 32 vjeç, banues në Sarandë, i cili nuk dispononte dokumentacionin përkatës.
Autoritetet bëjnë me dije se është gjobitur pronari i skafit me masë administrative 10.000 lekë të rinj.
“Në bazë të ligjit nr.127, datë 15.10.2021, neni 14/1/b, drejtuesi i mjetit lundrues, shtetasi Xh. M. u ndëshkua me masë administrative 10.000 lekë të rinj, për mungesë dokumentacioni (në bord). Policia Kufitare do të vijojë kontrollet me qëllim garantimin e rendit dhe sigurisë për pushuesit, gjatë sezonit turistik dhe fton qytetarët që të denoncojnë çdo rast paligjshmërie, në aplikacionin Komisariati Dixhital ose të telefonojnë në numrin pa pagesë 112, duke iu garantuar anonimatin, reagim të shpejtë dhe profesional.” njofton policia.
Menjëherë është bërë shoqërimi dhe bllokimi i mjetit lundrues, në portin e Sarandës.
