Gjykata e Durrësit ka lënë në fuqi masën e sigurisë “arrest me burg” për 4 libianët që tentuan të fusnin kontrabandë 2275 ton naftë në Shqipëri.
Zuhair Alkëaifi, Amad Abushala, Muayid Ali Altahir, Badr Teezini, u vunë në pranga për sasinë e naftës që futën kontrabandë nëpërmjet anijes “Queen Majeba” me flamur kamerunase cila u ankorua nga Libia në portin e Durrësit.
Kapiteni, dy ndihmësit e tij dhe një punonjës i ngarkim-shkarkimit, të gjithë shtetas libianë u arrestuan dhe u akuzuan se bënin tregti dhe transport të mallrave kontrabandë.
Ishin shërbimet partnere që sinjalizuan autoritetet shqiptare, për anijen e cila po transportonte naftë kontrabandë. Nga hetimet paraprake rezulton se kjo naftë transportohej nga grupe që janë jashtë kontrollit të qeverisë libiane dhe formalisht dokumentet shoqëruese të mallit dukeshin në rregull. Por në fakt, sipas autoriteteve ata janë të falsifikuara.
