Pas plasgosjes me thikë në Tiranë, një tjetër plagosje ka ndodhur në Tepelenë, në fshatin Hormovë.
Mësohet se 35-vjeçari me inicialet R. S ka plagosur me thikë kunatin e tij, shtetasin L.SH.
Burime zyrtare nga Policia e Tepelenës njoftojnë se kanë vënë në pranga autorin e dyshuar, ndërsa I plagosuri ndodhet në spital nën kujdesin e mjekëve.
Policia e Tepelenës/ Informacion paraprak
Rreth orës 15:40, në lagjen “15 Shtatori”, Tepelenë, dyshohet se shtetasi R. S., rreth 35 vjeç, banues në Tepelenë, ka goditur me mjet prerës, për motive të dobëta, kunatin e tij, shtetasin L. Sh., rreth 40 vjeç, banues në fshatin Hormovë, Tepelenë, i cili është transportuar në Spitalin Rajonal Gjirokastër dhe ndodhet nën kujdesin e mjekëve.
Shërbimet e Komisariatit të Policisë Tepelenë, falë veprimeve të shpejta dhe profesionale, kanë bërë të mundur kapjen e autorit të dyshuar të ngjarjes, shtetasit R. S. dhe shoqërimin e tij në ambientet e Komisariatit të Policisë Tepelenë, për kryerjen e veprimeve procedurale.
Grupi hetimor po punon për zbardhjen e rrethanave të ngjarjes.
