Deputeti i Partisë Demokratike, Dashnor Sula ka lajmëruar ditën e sotme dërgimin në Gjykatën Kushtetuese të Bordit që cakton çmimet e produkteve ushqimore.
Gjatë një deklarate për mediat, Sula kërkon shfuqizimin e këtij bordi që sipas tij do të sillte çmime më të ulëta për produktet e shportës ushqimore.
“Grupi parlamentar i PD-së ku do t’i drejtohet Gjykatës Kushtetuese për shfuqizimin e Bordit i ngritur për kontrollin e çmimeve të ushqimeve të shportës në tregun shqiptar. Ky Bord që u ngrit për të bërë të mundur ruajtjen e qytetarëve shqiptarë nga rritja e çmimeve nuk ka funksionuar. Ne si PD e kemi kërkuar që në shtator 2021 që të ulet TVSH-ja e ushqimeve të produkteve të shportës çka do të bënte të mundur që qytetarët shqiptarë të kishin çmime më të ulëta”, tha Sula.
