Kryetari i Partisë së Lirisë Ilir Meta, ka deklaruar se protesta kundër “vjedhjes shtetërore me inceneratorët” hapi stinën e “Pranverës së Demokracisë”.
Me anë të një statusi në FB, Meta shprehet se një popull që fle në demokraci, zgjohet në diktaturë, ndërsa shton se e vetmja mënyrë për të rivendosur shtetin ligjor dhe llogaridhënien është ngritja e popullit
“Protesta kundër vjedhjes shtetërore me inceneratorët hapi stinën e Pranverës së Demokracisë. E vetmja mënyrë për të rivendosur shtetin ligjor dhe llogaridhënien është ngritja e popullit. Sepse një popull që fle në demokraci, zgjohet në diktaturë! Ora e Drejtësisë po afron”, shkruan Meta, ndërsa poston edhe një video me pamje nga protesta e djeshme te inceneratori i Tiranës.
