Milan bëri detyrën ndaj Dinamos së Zagrebit në Champions League, duke e mundur 3-1. Pas sfidës sulmuesi i kuqezinjve, Oliver Giroud ka thënë se është mjaft i lumtur, duke lënë të kuptohet se kualifikimi tutje është mjaft i mundshëm.
“Në 2-1 ne nuk ishim aq të lumtur. Ne përfituam nga barazimi në Salzburg, donim ta fitonim këtë ndeshje me lojën tonë dhe mendoj se mund të kishim shënuar më shumë gola nëse do kishim më shumë saktësi. Jemi shumë të lumtur, nuk ishte një ndeshje e lehtë dhe ne bëmë mirë.”
Maldini tha se është e drejtë të ëndërrosh: çfarë thua?
“Liga e Kampionëve është më e mira e kompeticioneve. Ne duam të bëjmë mirë, të paktën të kalojmë grupin”
Pioli thotë se dëshiron të luash gjithmonë: ndihesh gati për ndeshjen kundër Napolit?
“Unë jam konkurrues, gjithmonë dua të luaj për të ndihmuar ekipin dhe edhe sot kam qenë shumë mirë. Më vjen keq nëse nuk luaj, por është normale. Nëse trajneri dëshiron të më pushojë, nuk është problem. por unë gjithmonë dua të luaj”.
E prisnit që Milani të ishte kaq i bukur edhe në Evropë?
“Jemi në ndeshjen e dytë, kemi 4 pikë dhe po bëjmë mirë, por duhet të jemi të qetë”.
