Një shqiptar ka rënë në prangat e policisë në Barcelonë pasi akuzohej për grabitje nga autoritetet italiane. Sipas mediave lokale, shqiptari ka kryer 23 grabitje në banesa, pranë Milanos, si pjesë e një grupi kriminal.
Grabitjet e dyshuara nga shqiptari datojnë në fund të vitit 2021, në qytete të ndryshme pranë provincës së Milanos. Organizata krimale ishte e përbëre nga persona me origjinë shqiptare. Ndërkohë, i arrestuari nuk është me precedentë penal në Spanjë.
Mediat spanjolle shkruajnë se mafia shqiptare kohët e fundit është bërë shumë e spikatur në Katalonjë, veçanërisht për drejtimin e disa prej organizatave kriminale më të fuqishme të dedikuara për trafikun e marijuanës në këtë rajon.
