Ukraina ka rimarrë plotësisht në kontroll më shumë se 4,000 kilometra katrorë të territorit të saj, i cili ishte pushtuar nga forcat ruse, tha presidenti ukrainas Volodymyr Zelensky në një fjalim sonte .
Dje, të hënën, presidenti ukrainas deklaroi se Ukraina ka rimarrë 6000 kilometra katrorë nga rusët gjatë kundërsulmit të fundit të forcave të saj.
Zyrtarët ukrainas thonë, megjithatë, se është e rëndësishme të bëhet dallimi midis rimarrjes së territorit dhe sigurimit që ai të jetë plotësisht i sigurt.
Ndërkaq, kompania energjetike Ukrenergo njoftoi mbrëmjen e sotme se ekipet e riparimit kanë rikthyer funksionimin e dy linjave kryesore të energjisë në Kharkiv dhe zonën përreth këtij qyteti në Ukrainën lindore, pas ndërprerjeve të energjisë elektrike të shkaktuara nga bombardimet ruse.
Ukrenergo shton në një deklaratë të lëshuar se puna e restaurimit do të vazhdojë në linja të tjera, pa dhënë më shumë detaje.
