Në fjalën e tij nga protesta te inceneratori i Tiranës, regjizori Edmond Budina u shpreh se në Shqipëri nuk ka qeveri, por sundon mafia dhe bandat, dhe se incineratori i Tiranës nuk ekziston.
“Në Shqipëri nuk ka qeveri, por sundon mafia dhe bandat. Ja ky është krimi, incineratori i Tiranës që nuk ekziston. Ja ku është skena tjetër e krimit, Teatri Kombëtar që e shembën në mënyrë të jashtëligjshme. Ata nuk pyesin për jetën e njerëzve, ashtu sikurse vranë Ardit Gjoklajn. Nuk mund të protestojmë vetëm sa për të shkuar radhën. Ne kemi protestuar mbi 23 vite në mënyrë paqësore tek Teatri, dhe përgjigja që morëm ishte dhuna dhe donin të na vrisnin. Duhet të ngrihemi më fort dhe të përshkallëzojmë protestat”, tha mes të tjerash Budina gjatë fjalës së mbajtur nga podiumi i protestës.
