Kanë dalë detaje të reja nga atentati me snajper që dështoi mesditën e djeshme në zonën e plazhit të Durrësit.
Akil Nerjaku, personi që i shpëtoi një atentati me snajper është qëlluar në momentin që ka dalë nga automjeti i blinduar G-Class. Mesditën e djeshme, kohë kur dhe ka ndodhur ngjarja, Nerjaku ka qenë duke lëvizur në afërsi të zonës së quajtur “Rrota e kuqe” në Durrës.
Ai është qëlluar me snajper nga brenda një furgoni sapo ka dalë nga mjeti i blinduar, por plumbi nuk e ka kapur. Plumbi ka përshkruar një tjetër automjet me targa të huaja që ishte i parkuar në të njëjtën zonë.
Dyshohet se kemi të bëjmë një atentat të mirë-organizuar. Para hetuesve, shtetasi Akil Nerjaku ka deklaruar ka se dyshime që të jetë qëlluar nga një furgon, i cili ka qenë duke lëvizur në anën tjetër të rrugës.
Prokuroria dhe Policia ka kryer disa veprime hetimore lidhur me këtë ngjarje të rëndë për të bërë të mundur identifikimin e autorëve. Ndërkohë janë sekuestruar edhe kamerat sigurisë së zonës.
