Nesër në mesditë pritet të mblidhet grupi parlamentar i Partisë Demokratike.
Deputeti Luçiano Boçi u ka dërguar sot deputetëve të kësaj partie një mesazh, ku njoftohen se ditën e nesërme do të mbahet mbledhja e grupit parlamentar në sallën e deputetëve tek selia e PD-së.
Në mesazh, sqarohet se në rend dite është prezantimi i propozimit dhe të raportit të reformës territoriale nga grupi i punës dhe propozime konkrete nga deputetët për qarqet e tyre.
“Nesër datë 14 shtator, ora 12.00, PD zhvillon mbledhjen e grupit parlamentar në sallën e deputetëve tek selia e PD-së, me këtë rend dite: -Prezantimin e propozimit dhe të raportit të reformës territoriale nga grupi i punës; -Propozime konkrete nga deputetët për qarqet e tyre; -Të tjera. Falenderime! Ju lutem pjesëmarrja dhe kontributi i juaj është shumë i rëndësishëm”, thuhet në mesazh.
