Disa persona të paidentifikuar kanë sulmuar stacionin e pompimit të ujit në fshatin Verçun në Pogradec.
Autorët të cilët dyshohen se kanë qenë të maskuar kanë thyer dyert e xhamat e dritareve të ndërtesës.
Mësohet se kanë qenë vetë banorët e fshatit Verçun që kanë bërë denoncimin në polici, pasi kanë parë dyert e thyera.
Sipas informacioneve nga banorët e fshatit, brenda stacionit ka materiale si pompa dhe elektromotorë që arrijnë vlera të mëdha në lekë.
Policia po merret me hetimin e rastit, por ende nuk dihet se kush qëndron pas këtij sulmi. Aktualisht po vëzhgohen filmimet e kamerave të sigurisë.
