Një person ka humbur jetën këtë të Diel në lagjen Lugas të fshatit Plashnik, Poliçan.
Policia bën me dije se Flamur Totaj, 73 vjeç, ka ndezur zjarr në ullishten e tij për të djegur mbeturinat. Zjarri i ka dalë jashtë kontrollit dhe është përhapur në sipërfaqe të madhe toke.
“Shtetasi F. T. nuk ka njoftuar shërbimet zjarrfikëse dhe as ato të Policisë, por ka tentuar ta fikë vetë zjarrin. Gjatë tentativës për të izoluar përhapjen e flakëve, 73-vjecari është asfiksuar dhe për pasojë ka humbur jetën. Pas njoftimit të marrë nga kryeplaku i fshatit Plashnik, në lidhje me ngjarjen, në vendngjarje kanë shkuar shërbimet e Policisë dhe ato zjarrfikëse”, njofton policia.
Grupi hetimor po vijon punën për zbardhjen e plotë të rrethanave të ngjarjes, shtojnë të njëjtat burime.
