Një aksident i rëndë hekurudhor ka ndodhur mbrëmjen e 9 Shtatorit në Kroaci. Mësohet se një tren pasagjerësh dhe një tren i cili kishte mallra janë përplasur në në afërsi të Novoskës, teksa raportohet deri tani për të paktën 3 viktima dhe 11 të plagosur.
Në mesin e të lënduarave janë edhe disa shtetas të huaj nga Irani, raporton Index.hr, ndërsa viktima mësohet se janë shtetas kroatë. Në trenin lokal me pasagjerë kanë qenë 13 persona, ndërsa në atë me mallra vetëm shoferi.
Incidenti ka ndodhur afër qytezës Novska, afër kufirit të Krocisë me Bosnje-Hercegovinën, ka thënë policia kroate.
Kryeministri kroat, Andrej Pllenkoviq, e ka vizituar vendin e incidentit, bashkë me zyrtarë tjerë qeveritarë.
“Është natë, nuk ka drita, nuk e dimë nëse ka viktima tjera”, ka thënë Pllenkoviq. Shkaku i përplasjes nuk dihet, por është duke u hetuar.
