Nga Adriatik Lapaj
Sot bursa ka arritur çmimin e muajt Janar 2022, çmimin që kishte përpara se të rritej.
Sot çmimi i naftës bruto ka shkuar 81.58 dollarë… minimumi prej fillimit të rritjes. Në datën 6 Janar 2022 ka qenë 81.99 dollarë.
Kursi këmbimi të dollarit në dt. 06.01.2022 ka qenë 107, sot është 117.
Në Janar 2022 çmimi i naftës në pompa ishte me 176-180 lekë për litër.
Sot me pakicë nafta shitet me 232 lekë për litër.
Në datën 16.03.2022 kur qytetarët ishin masivisht në shesh kundër këtij abuzimi bordi caktoi si çmim të shitjes së naftës me pakicë çmimin 203 lekë për litër, ndërkohë në bursë çmimi ishte 104.61 dollarë. Pra, ishte 23 dollarë më shumë se sot, por çmimi nga bordi u caktua 29 lekë për litër më pak nga sot.
Referuar çmimit të naftës në bursë dhe ndryshimit të kursit të këmbimit, sot 1 litër naftë nuk duhet të shitej mbi 190 lekë për litër.
Gjeti rehat qeveria me çmimin e lartë se arkëton para sa nuk e kishte imagjinuar kurrë. Puna është që ato para ikin nga konsumi dhe qarkullimi e për pasojë varfërojnë ekonominë edhe më shumë.