Ajo e Elizabetës konsiderohej një diplomaci e heshtur, e rreptë dhe e paanshme. Megjithatë simpatitë ishin të dukshme ndërsa mospëlqimet të fshehura. Mesazhet e saj politike jepeshin pothuajse gjithmonë me një gjuhë të koduar ose nëpërmjet simboleve.
Një shembull klasik se si mbretëresha përdori fuqinë e saj është ai i vitit 2021 kur u ankua për liderët botërorë “të cilët flasin aq shumë, por bëjnë pak kundër ndryshimit të klimës”.
Për një femër që nuk i ka lënë asgjë rastësisë, ndryshimin bënë edhe aksesorët. Në vitin 2017, në mes të kaosit të Brexit, ajo vendosi një kapelë blu me butona të verdhë që i ngjante aq shumë flamurit evropian dhe që nuk kaloi pa u vënë re në Westminster.
Një vit më pas, duke pritur Presidentin Trump, ajo vendosi një karficë që i ishte dhuruar nga Barack Obama (si për ta bërë të qartë se në cilën anë ishte).
Duke lënë mënjanë Trump, marrëdhëniet me Shtetet e Bashkuara ajo i ka pasur gjithmonë solide. Me Reganin, në veçanti kishte një miqësi e thellë, por edhe me George W. Bush, presidenti i parë amerikan i pritur direkt në Buckingham Palace.
Edhe pse është përfolur gjatë asnjëherë nuk është konfirmuar se sovrania e kishte kundërshtuar ndërhyrjen ushtarake në Afganistan në 2001 dhe në Irak në 2003, të mbështetur nga kryeministri i atëhershëm Blair.
Ndërsa në Luftën e Parë të Gjirit, në vitin 1991, Elizabeth doli publikisht për të shpjeguar arsyet e ndërhyrjes britanike, në një nga mesazhet e saj shumë të rralla drejtuar kombit.
Megjithatë, ajo përjetoi krizën e saj të parë të madhe ndërkombëtare në vitin 1956, me konfliktin e rrufeshëm në Kanalin e Suezit dhe në atë kohë nuk iu kursyen kritikat për mungesën e ndjeshmë
