Një aksident me vdekje ka ndodhur këtë të Enjte në Himarë, orët e para të mëngjesit.
Sipas policisë, një 40-vjeçar ka humbur jetën pas një aksidenti me motoçikletën, me të cilën lëvizte.
“Në rrugën rurale të fshatit Tërbaç, gjatë natës, shtetasi L.H., 40 vjeç, dyshohet se duke drejtuar një motomjet ka humbur kontrollin dhe motomjeti ka dalë nga rruga. Si pasojë e aksidentit ka humbur jetën drejtuesi i motomjetit”, njoftoi policia.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit, shtuan të njëjtat burime.
