Muhamet Rrumbullaku është emëruar Drejtori i ri i Përgjithshëm i Policisë së Shtetit. Lajmin e ka bërë të ditur ministri i Brendshëm, Bledi Çuçi pas mbledhjes së qeverisë.
Rrumbullaku zëvendëson në kë post Gledis Nanon, shkarkimin e të cilit Çuçi e njoftoi 1 javë më parë.
Ministri i Brendshëm, Bledi Çuçi pritet të zhvillojë sot në orën 16:00 një mbledhje me drejtorët e Policisë në qarqe dhe drejtorët e departamenteve, për të prezantuar drejtorin e ri.
