Një 30-vjeçar italian është arrestuar mbrëmë vonë, pasi akuzohet për vrasjen e shqiptarit Fatmir Ara.
43-vjeçari u gjet i vrarë të dielën në zonën e San Carlo Canavese dhe autopsia konfirmoi se shqiptari ishte vrarë me të paktën tre të shtëna me armë në fytyrë.
Ende është e paqartë nëse shtetasi italian që i mori jetën ka vepruar i vetëm, ose në ngjarje kanë qenë të përfshirë më shumë persona.
Edhe identiteti i autorit të dyshuar dhe motivi i ngjarjes nuk janë sqaruar ende nga policia italiane.
