Ndarja nga bashkëshortja dhe nisja e një lidhjeje me një femër më të re u bë shkak për largimin e Thomas Tuchel nga Chelsea. “Daily Mail” shkruan se lojtarët kanë nisur të bëjnë thashetheme për historinë e gjermanit me të dashurën Nathalie Max duke krijuar një atmosferë të brishtë në dhomat e zhveshjes.
Tabloidi shton se për shkak të jetës private Tuchel kishte humbur kontaktet dhe respektin e lojtarëve të sluadrës londineze nga ku u shkarkua pas më shumë se 100 ndeshjeve në stol.
Tuchel e njoftoi divorcin në prillin e këtij viti pas 13 viteve, vendim i pashmangshëm që gjithseso duket se ndikoi edhe në punën e tij.
