Ambasadorja e SHBA në Shqipëri Yuri Kim, në një deklaratë për mediat pas takimit me kryetaren e kuvendit Lindita Nikolla dhe me nënkryetarin Agron Gjekmarkaj, u shpreh se ky takim është në kuadër të angazhimit për rregullin, ligjin dhe institucionet demokratike.
Ambasadorja Kim u shpreh se do të vazhdojë takimet me “ato që janë zgjedhur në mënyrë legjitime”.
“Sapo kam zhvilluar disa takime të mira me kryetaren e kuvendit Nikolla dhe nënkryetarin e kuvendit. Si unë dhe pararendësit e mi e kemi pjesë të traditës të takohemi me kryetarët e kuvendit në fillim të sesionit parlamentar. Është e rëndësishme të angazhohemi në rregullin, ligjin dhe institucionet demokratike kjo është arsyeja pse ndodhesha këtu. Ende do të vazhdojmë të takohemi me ato që janë zgjedhur në mënyrë legjitime dhe kanë një rol legjitim për të luajtur në forcimin e demokracisë e luftës kundër korrupsionit”, tha Kim.
