Prokurori i Tiranës, Bajram Breçani është shkarkuar nga detyra nga Komisioni i Pavarur i Kualifikimit.
Gjatë seancës dëgjimore zhvilluar më 1 Shtator, KPK konstatoi balanca negative në hetimin pasuror. Breçani dha shpjegime edhe për denoncimet e kryera nga shtetase ndaj tij për pushimin e hetimeve ndaj Gjergj Cukalit, i arrestuar si i dyshuar për vrasjen e ish-efektivit të policisë, Arben Bilali, në janar të vitit 2019.
Procesi i rivlerësimit për prokurorin Breçani është realizuar në trupa e KPK-së e përbërë nga Etleda Çitja, Pamela Qiko dhe Roland Ilia.
Breçani e ka filluar karrierën në vitin 2013 në Prokurorinë e Rrethit Gjyqësor Krujë. Një vit më vonë ai është transferuar në Prokurorinë e Elbasanit, ku ka shërbyer deri në vitin 2016, përpara se të transferohej në Tiranë.
