Një 47-vjeçar është arrestuar nga policia ditën e Martë. Arrestimi i tij erdhi pasi ai dogji goma dhe pjesë të tjera makinash duke shkaktuar ndotje të ajrit në fshatin Sallmonë, Shijak.
Shtetasi Arben Meta, i kishte vënë flakën gomave, sediljeve të makinave dhe mbetjeve të tjera plastike, me qëllimin nxjerrjen e materialeve metalike.
Në cilësinë e provës materiale iu sekuestrua një karrocë dore, me të cilën transportonte materialet metalike që nxirrte nga djegia e këtyre sendeve.
Materialet hetimore i kaluan Prokurorisë, për veprime të mëtejshme, për veprën penale “Ndotja e ajrit, e ujërave dhe e tokës”.
