Gazetari Bledian Koka komentoi në emisionin ‘Task Force’ situatën politike në vend teksa opozita ka ndezur motorët e saj ndërsa mazhoranca nga ana tjetër vijon me sulmet.
Sipas Kokës, opozita ka qenë e pafuqishme nën drejtimin e Bashës pasi i shiste kauzat ndërsa shtoi se opozita aktuale duhet të tregojë se është më e fortë se qeveria, ose po aq e fortë sa ajo.
Më tej, Koka u shpreh se qytetarët s’kanë nevojë vetëm të shohin një opozitë që i thërret në protestë, por duan të shohin dhe një opozitë të fortë që denoncon me emra konkretë.
“Qeveria po rikthen lojërat e fatit, amnistia fiskale, qytetarët s’kanë nevojë të shohin vetëm një opozitë që i thërret në protestë, por dhe një opozitë të fortë që denoncon me emra konkretë për ata që janë gjëma të sigurta të asgjësimit të demokracisë fundore.“-tha Koka.
