Kreu i Partisë së Lirisë Ilir Meta deklaroi në një takim në Berat sot se është koha që t’ia marrim të gjitha pushtetet Edi Ramës dhe t‘ia kthejmë popullit.
Meta paralajmëroi protesta të fuqishme për të rrëzuar qeverinë ndërsa shtoi se do të çojnë përpara revolucionin anti-korrupsion.
“Do ta palosim Edi Ramën, do t’ia marrim të gjitha pushtetet. Edi Rama do të zëvëndësojë të rinjtë dhe të rejat e Shqipërisë me punëtorë nga Bangladeshi. Këtë sesion e kemi nisur me një propozim për pagat.
Unë do të jem vetë aty përpara Parlamentit, bashkë me të gjithe qytetarët shqiptarë. Në këtë mënyrë do të çojmë përpara këtë revolucion anti-korrupsion.
Do të jemi aty për të çuar përpara iniciativën tonë për heqjen e taksës së karbonit, për të ulur çmimin e karburantit.”-tha Meta.
